Naging matagumpay ang naganap na presentation ng mga representative galing sa kompanya namin. Maayos nilang nasagot bawat katanungan mula sa hanay ng mga executive na kasama ni Trey.
Lihim ko ring minamatyagan ang kilos ni Luiz Buencamino na tulad nang nabanggit nito ay isa sa mga dumalo.
Ginanap ang meeting sa mismong opisina ni Trey dito sa loob ng isla. Isang four-storey building ang nakalaan para sa mga empleyado ng Isla Buencamino na kinaroroonan din ng opisina ni Trey.
Sa likurang bahagi nito ay ang tinatawag na staff house kung saan ay nakahilera ang apartment style na mga bahay na tinutuluyan ng mga trabahante nitong isla. At doon din napagkasunduang tutuloy ang ilang darating naming mga empleyado.
Karamihan sa mga darating lalo na ang mga construction workers ay sa mismong sit
