Dumiretso ako sa 7 Demons building pagkatapos kong manggaling sa dorm ni Jessie. Para akong zombie. Automatic lang na naglalakad ang mga paa ko. Masama ang loob ko. Masamang-masama.
Ang gusto ko lang naman ay mapasaya siya. Pero ni munting appreciation, wala siyang maipakita sa mga pag-aalaga ko sa kanya. Kung alam lang niya na ilang beses na akong muntik mapaaway sa mga kaibigan ko dahil sa kanya. Kung alam lang niya kung gaanong pagtitimpi ang ginagawa ko tuwing tinutukso o kinakantyawan o pinagtatawanan ako ng mga kaibigan ko tuwing natataranta ako sa pag-iisip kung paano siya mapapasaya. Maano bang magpasalamat man lang siya konti o kaya kahit ngitian niya lang ako bilang pasasalamat. Pero wala. Balewala sa kanya ang lahat. Ansakit sa pride. Ansakit sa utak. Ansakit sa puso.
"Oh napa
