Mabilis na tinapos kaagad ni David ang kaniyang mga trabaho at saka nagmamadaling umuwi sa boarding house na tinutuluyan para makapagbihis at makapaghanda ng sarili papunta sa bar.
Hindi na nga niya naka-usap si Enver dahil busy ito at ayaw niya nang maka-istorbo.
Pagkarating niya sa bar ay si Eve kaagad ang hinanap ng kaniyang mga mata. Nang makita niya ang dalaga na kalalabas pa lamang ng locker room ay kaagad siyang lumapit dito.
"Hi, good evening," pagbati niya sa dalaga. Nagulat naman si Eve sa biglaang pagsulpot ni David sa harap niya. Bahagya niya kasing inaayos ang strap ng bra sa kaniyang likuran.
"Bakit ka nandito?" tanong ni Eve kay David habang magkatitigan sila.
"Wala ka na bang ibang tanong? Ayaw mo ba na nakikita ako?" Balik din na tanong ni David sa kaniya. Napa-iwas s
