"Bakit gusto mo na malaman? Si Sir Anton ba ang nagsabi sa iyo?" tanong ni Eve habang sa pagkain lang nakatingin.
"Okay lang kung hindi mo sagutin. Pero... sana hindi mo ginagawa iyon. Kasi, importante na matuto ka para makahanap ka ng trabaho." Pagkasabi niyon ni David ay malakas na binalibag ni Eve ang kaniyang kubyertos sa plato at nagtalsikan ang mga pagkain na nakalagay dito.
Nag-aapoy siya sa galit kay David dahil sumusobra na ito at nauubos na talaga ang kaniyang pasensya.
"Huwag mo akong turuan, David. Magka-iba tayo ng buhay na kinalakihan. Opiniyon at paniniwala sa buhay. Eh, ano naman kung nang-aakit ako para makapasa?" Nakataas ang mga kilay na sabi ni Eve habang mabigat ang kaniyang paghinga dahil sa galit.
Ito ang ayaw niya. Ang pinapakialaman ang buhay niya at pinagsasab
