Mabilis na kinuha ni Eve ang cellphone ni David na nakakalat sa sahig. Nang buksan niya ang power button ay inis siyang napamura sa isip dahil may passcode ito. Hindi niya tuloy matawagan ang pamilya o mga kaibigan nito.
"Dorothy, may kailangan ka ba?" tanong ng isa sa mga bouncer ng bar nang lapitan siya nito. Hindi alam ni Eve ang kaniyang isasagot. Hindi niya alam kung dapat niya ba na ipagkatiwala si David sa iba. Lalo na at alam niyang may lihim na pagnanasa ang mga bouncer sa kaniya rito. Nangangamba siya na baka pag-trip-an ng mga ito ang binata dahil madalas siya nitong sadya.
"Ah, hindi. Ayos na ako. Kaya ko na ito," pagsagot ni Eve habang tinuturo si David.
"Sigurado ka ba? Tulungan na kita. Oh, 'di kaya ay kami na ang maghatid sa kaniya," pamimilit ng bouncer na nag-aya pa ng
