"Enver," pagtawag ni David sa pangalan ng kaibigan. Kasalukuyan silang kumakain ng lunch sa cafeteria. Napatigil sa pagnguya ang kaibigan na nasa kaniyang harapan at binigyan siya nito ng isang tingin na nagtatanong kung bakit.
"Kilala mo naman si Dorothy, 'di ba?" tanong ni David kay Enver pero napakunot lang ng noo si Enver.
"Sino 'yon?" tanong ni Enver kasabay nang pagsubo ng kutsara sa bibig na may lamang pagkain. Nakatingin lang ito kay David habang hinihintay itong magsalita.
"Palaging masungit sa bar at kulang na lang, eh, mawala na ang lahat ng lalaki sa mundo," pagde-describe ni David sa dalaga. Mukhang nakuha naman ni Enver ang babaeng tinutukoy niya kaya napatango-tango sita nang mapag-alamanan niyang Dorothy pala ang pangalan ng babaeng iyon.
"Ah, oo. Naaalala ko na. Pero a
