Ilang araw na ang lumipas at hindi na nagtangka pa si David na bumalik sa bar na iyon. Samantala, gabi-gabi namang naghihintay si Eve na dumating si David dahil gusto niyang makaganti sa ginawang pagnanakaw ng halik nito sa kaniya. Wala na rin si Lyka sa bar dahil kinuha na siya ni Paul at binigyan ng marangal na trabaho.
"Pre, nag-aya pala sina Shaun at Vincent. Bar daw tayo mamaya," mahinang bulong ni Enver kay David habang kumakain sila ng lunch sa cafeteria. Tahimik lang na tumango si David at makalipas lang ang ilang oras ay natapos na rin ang trabaho nila. Umuwi muna sila sa kanilang boarding house para magbihis. Katulad ng dati. Nasa trabaho pa rin sina Shaun at Vincent kaya susunod na lang sina David at Enver sa bar.
Nang makarating sila sa bar ay kaagad silang pinapak ng tingin
