Shynelle
WALANG HUMPAY sa pag-iyak ang ina ni Chase habang nakayakap sa akin ng mahigpit. Paulit-ulit din siyang humihingi ng tawad para sa nagawa ng kanyang anak.
"I'm sorry. I'm so sorry."
Hinagod ko ang likod niya. "Okay na po 'yon, Tita. Okay na po ako ngayon."
Kumalas kami sa isa't isa. Naririto kami ngayon sa isang silid dito sa malaking hall ng Crown Hotel. Dito na muna kami pinapasok ni Kuya at sinabihan na lamang niya ang pamilya ni Chase para sumunod din dito sa loob. Ayaw naman naming magkaroon pa kami ng eksena sa labas mamaya at maagaw namin ang totoong layunin ng party na ito.
Pero sila Tito Charlie at Tita Lhevyrose pa lamang ang naririto ngayon. Wala pa ang kanilang mga anak. Buhat na rin ngayon ni Tito Charlie si Sunnie at kinakau-kausap. Giliw na giliw siya sa anak k
