Shynelle
MATAPOS kong maglinis ng katawan ay lumabas na rin ako ng shower room. Kinuha ko ang isang tuwalyang nakasampay sa gilid at ibinalot sa katawan ko.
Mayroon din ditong bathtub at full body length mirror. Malaki ang bathroom na ito at malinis. May mga personal hygiene Items din si Chase sa ibabaw ng countertop. Nilapitan ko ang mga ito. Binuksan ko ang mga cabinet sa itaas at naghanap ng extra toothbrush.
Nakakita din naman ako nito kaagad. Inilabas ko ito at nilagyan ng toothpaste.
"Mommy!"
Napalingon ako sa pinto nang marinig ko doon ang tinig ni Sunnie na sinasabayan nang malalakas na katok. Tinungo ko ito habang inuumpisahan ko nang kuskusin ang mga ngipin ko. Binuksan ko din ito kaagad at bumungad siyang suot ang isang malaking puting t-shirt.
"Mommy, iihi ako. Toothbru
