KINABUKASAN, GABI NA ako pumunta kina Chelsa. Pagpasok ko sa kwarto niya masama ang tingin niya sa ‘kin.
“Bakit?” tanong ko paglapit ko sa kanya at naupo ako sa tabi niya.
“Bakit ngayon ka lang? Ba’t di ka sumasagot sa tawag ko? Nag-alala ako. Hinintay kita nang maaga. Maghapon akong nag-abang sa ‘yo,” Naluluhang sagot niya. “Natakot akong baka mamatay na ako na di kita nakita.”
“Tahan na. Nandito na ako. Sorry.” Niyakap ko siya. “Tinapos ko lang yung request mo,” sabi ko.
“Yung kanta?” tanong niya.
“Um,” sagot ko.
“Natapos mo na talaga?” excited na tanong niya. Tumango ako. “Pwede ko nang marinig ngayon?”
“Baba muna tayo,” Sabi ko. “Pero itali mo ang buhok mo para nakikita ko ang leeg mo,” nakangiting sabi ko. Sinamaan niya a
