“ANG GAGANDA AT gagwapo n’yo. Ang cute n’yong tingnan, Nate.” Comment ni Chelsa nang ipakita ko sa kanya ang pictures namin ng tropa sa cellphone ko na kuha kanina sa graduation namin. Hiniling niya sa ‘kin yun. Ayaw ko na sanang ipakita baka mainggit siya, pero sabi niya gusto niya kaming makitang mga kaibigan niya sa isa sa masayang araw namin. Ang malampasan ang high school na buo kami at magkakaibigan pa rin. Nasa kwarto niya kami at nakaupo sa kama.
“Sana raw kasama ka nila. Tingnan mo ‘to,” ipinakita ko at itinuro ang group picture naming lahat. “Sa gitna nina Carly at Evy, bakante. Sabi nila dun ka raw dapat nakatayo. Sabi ko naman, dapat sa tabi ko. Pero sabi nila, mamaya na raw ako. Kaya tingnan mo ‘to, mag-isa l
