KINABUKASAN, MAAGA AKONG pumasok, wala pang halos estudyante sa campus. Mga guard at janitor pa lang ang nakita ko. Gusto ko sanang isuot ang couple shoes namin ni Chelsa kaso baka mapag-usapan na naman siya ng tropa at maging ang ibang estudyante na makakapansin ng sapatos ko. Naupo ako sa upuan niya. Kusang bumalik sa alaala ko ang mga masasayang araw namin sa classroom maging ang di ganun kasaya at ang halos unang pagkikita naming naaalala ko. Nagpaka-cool and awesome ako para wala nang tanong-tanong pa. At isipin nilang naka-move on na ako. The Famous Nate is back! Pero ang di nila alam, minsan may galawang ninja ako. Tago-layo sa tropa para matawagan si Chelsa sa bago niyang number.
Bigla akong nawala sa paningin ng tropa pag-uwian, eskapo agad ako after ng class para puntahan si
