HINDI KO ALAM kung anong magiging reaksyon ko? Naguguluhan ako. Napanganga na lang ako at napakunot ang noo. Nahirapan akong humanap ng sasabihin sa kanya. “Chelsa?” muling masuyong tinawag ko ang pangalan niya. May mga taong nakatingin na sa ‘ming dalawa. Muli kong sinubukang hawakan ang kamay niya pero umiwas siya at tumakbo palabas ng grocery store.
Natakot ako at nagmadaling sinundan siya. Iniwan ko ang mga pinamili naming dalawa. Tinatawag ko siya pero tuloy lang siya sa pagtakbo sa gilid ng kalsada. May mga taong nabubunggo niya at ang iba’y umiiwas na lang sa kanya.
Naabutan ko siya at nahawakan sa kaliwang braso. “Chelsa, ano bang nangyayari sa ‘yo, hah? Ano ‘to?” halos maluha na akong tanong ko.
“Bitiwan mo ako! Sino ka?” iyak niya.
“Hah? Chelsa naman. Trip ba ‘to?
