SUMULPOT AKO SA harap ni Nate. Nakaupo na siya sa malapad na bato. May luha sa kanyang mga mata at nararamdaman ko pa rin ang matinding takot sa puso niya. Pinagmasdan namin ang isa’t isa.
“Hi,” luhaang bati ko sa kanya.
“Hi,” sagot niya.
Tumayo siya at humakbang palapit sa ‘kin. Humakbang din ako palapit sa kanya. Yinakap niya ako at mahigpit ko ring niyakap siya. Wala na kaming nasambit na salita, kapwa na lang kaming umiiyak na dalawa.
“Umuwi na tayo.” Sambit ni Nate nang maghiwalay ang aming mga katawan sa pagkakayakap at pinunasan niya ang mga luha ko sa magkabilaang-mukha ng kanyang mga kamay.
Umiling ako. “Lumayo tayo.” Hinaplos ko rin ang mukha niya para punasan ang mga luha niya. “Bumuo tayo ng sarili nating mundo. Iwan natin ang lahat. Lumayo tayong dalawa. Ta
