> NATE’S POV
NAGISING AKO SA ingay ng paligid at liwanag mula sa bintana. Pagmulat ko, nakita ko si Chelsa sa tabi ko. Natutulog siya. Hinaplos ko ang maamo niyang mukha at padamping hinalikan ang labi niya. Pero agad akong bumangon nang makita ko kung nasaang lugar kami. Kung hindi ako nagkakamali, isa ‘tong bakanteng classroom sa school namin. Naalala ko ang mga nangyari kagabi. May pitik ng takot akong naramdaman. Napansin ko ang sugat sa kaliwang braso ni Chelsa. Tuyo na ang dugo mula rito na nagkalat sa braso niya.
Nanlaki ang mga mata ko nang makita ko na wala na akong mga galos sa katawan. Kinapa ko ang likod ko ngunit wala na ring sugat. At maayos ang pakiramdam ko? Mantsa ng dugo ko na lamang ang natira sa ‘kin.
“Chelsa? Chelsa?” niyugyog ko si Che
