DAHAN-DAHANG binuksan ni Eunice ang mga mata. Hindi niya magalaw ang katawan dahil sa bigat na nararamdaman. Nasapo nya ang ulo nang bahagyang kumirot iyon. Napamura siya sa sakit. Bigla niyang naalala ang nagdaang gabi. Muntikan pa siyang mapasigaw ng mapansin na iba na ang suot niyang damit pero nasa loob naman siya ng kanyang hotel room.
Napabalikwas siya ng bangon. Maliban sa paglalasing niya ay wala na siyang maalala pa.
"Sino ang nagbihis sa akin?" Napahawak siya sa ulo ng tumayo nang pilitin niyang tumayo. Mabilis din siyang napaupo agad sa kama.
"Hang over," daing niya.
Hiyang-hiya siya sa sarili. Hindi niya man lang maalala kung sino ang nagdala sa kanya sa loob ng silid at binihisan pa siya.
“Ano kaya ang nangyari kagabi?" tanong niya na naman sa sarili. Imposibleng si Jona
