NAGPAUBAYA si Eunice sa lahat nang ginagawa pag-aasikaso sa kanya ni Jonathan. Sabihin nang tanga siya pero kung minsan talaga ay hindi mo maiiwasang maging tanga kahit na sobrang sakit na ang pinagdaanan mo sa taong ‘yon. Hindi ang Jonathan na nang-iwan ang nakikita niya ngayon kundi ang lalaking una niyang minahal.
Akala niya ay aalis na ito nang magpaalam siyang maligo pero hindi ito umalis sa kanyang kwarto. Nanatili ito hanggang sa matapos siyang maligo. Mabuti nalang at naka-robe siya kung kaya hindi naman nakakahiya ang kanyang itsura.
“Akala ko umalis ka na,” wika niya. Kahit papano ay nagiging kampante na siya sa lalaki.
“Wala naman akong gagawin. I want to stay here,” dagdag pa nito. Nakaupo ito sa sofa at nagpapatugtog sa cellphone nito.
“Magbibihis lang ako,” paalam niya mu
