BIGLANG naalala ni Jonas ang kanyang natuklasan. Naninikip lamang ang kanyang dibdib sa sakit na nadarama niya. Nanginginig ang mga kamay na nakatingin lamang si Jonas sa kataksilan ng kanyang asawa, kasabay ng pagtulo ng kanyang luha. Lahat ng kataksilan ng asawa niya ay nakita niya. Kitang-kita niya kung paano nito salubungin ng yakap at halik ang lalaking kanyang kaaway sa pulitiko. Pakiramdam niya ay para siyang binuhusan ng mainit na tubig.
Akala ni Amelia ay tumuloy siya sa Manila pero nagkamali ito dahil talagang plano niya na ang sundan ito at nasagot nga ang mga katanungan niya at hindi niya inaasahan ang kanyang matutuklasan. May relasyon ito at si Rigor. Tama rin ang report sa kanya ng taonginutusan niyang sundan sa asawa. Ayon sa taong kinuha niya ay madalas daw na makipagkita
