NAPA-ANGAT si Maria Virginia ng kanyang ulo nang may tumapik sa kanyang balikat.
“Ang aga-aga ‘e ganiyan na mukha mo, hindi ba dapat masaya ka ngayon, malapad ang iyong mga ngiti at kuminanang ang iyong mga mata dahil ikakasal ka na girl! Finally!"
Buntonghininga siya. “Tama ka…" labas sa ilong na sang-ayon niya.
Ewan ba niya hindi niya magawa maging masaya gayong matagal na niyang hinihintay ang araw na ito na aalukin siya ni Jaime ng kasal. Imbis na saya ‘e para bang sinasakal siya na hindi siya makahinga. Dahil ba nakokonsensya siya? Na sa hindi sinasadyang pangyayari ay iniputan niya sa ulo ang lalaki?
“Girl, ano ka ba! Huwag ka ngang ganiyan. Para ka talaga na broken hearted kaysa sa ikakasal–”
"Alam ang tunay nararamdaman ko, Jho.” Huminga siya ng malalim at mariing napapikit.
