Chapter 7
Nagulat ako sa biglang pagdating ni Makmak kasabay nina Tito Dave at Tito Love. Hindi ko pa din naman nababanggit kina Papa ang tungkol sa kaniya bukod sa alam nilang idol namin siya nina Tzekai at Manang ay alam kong wala na silang nalalaman pa tungkol sa aming dalawa. Kilala nilang lahat bilang isang sikat na artista. Sino ba naman ang hindi makakakilala kay Mark Kym Santiago? Sandali akong natameme. Pinandilatan ako ni Tzekai. Ibig sabihin kailangan kong ipakilala si Makmak sa lahat para mabasag na ang katahimikan na naghahari simula nang pumasok siya sa loob ng bahay.
Nang tatalikod na sana ako para lapitan at ipakilala siya ay nabangga ko ang upuan kaya nawalan ako ng balanse. Nanlaki ang mga mata ko at lalo akong kinabahan. Desperadong hindi tuluyang bumagsak. Kung hindi
