"What do you want to eat?" biglang pagtatanong sa akin ni Sir Apollo sa gitna ng kanyang pagmamaneho.
Sasagot sana ako na kahit ano na lang nang biglang maalala ko ang eksena noon sa Aristocrat mall. Kung saan walang pag-aalinlangan na binili lahat ni Mrs. Mijares ang kanyang mga pagpipilian na pagkain. Nangyari iyon dahil sa wala akong pinili na partikular na kakainin.
Wala man kasiguraduhan na gagawin din iyon ni Sir Apollo pero hindi mababago na anak pa rin siya ni Mrs. Mijares. Kaya hindi ko na lang susubukin na sumagot sa tanong na iyon na hindi ko masyadong pinag-isipan.
"Uhmmm... Parang gusto ko po na kumain ng sisig," matapat na sagot ko na lang, "Pero sa tingin ko ay wala naman po kayo hilig na kumain ng ganoong food."
"Sisig?" kunot noong pag-ulit pa ni Sir Apollo na akala mo
