Pagkadating namin sa hotel ay inalalayan ko sa kanyang paglalakad si Sir Apollo. Kaya pala niya binilisan ang pagmamaneho kanina ay dahil sobrang nanakit muli ang tiyan niya. Hindi na nakakapagtaka dahil sa pagpilit niya na ubusin ang sisig kanina kahit hindi naman siya kumakain nito. Kaya mukhang hindi tuloy siya matunawan sa ginawa niyang iyon.
Sa pagpasok pa lang namin sa hotel ay pinagtitinginan na agad kami ng mga hotel staff. Ngunit kaysa mga tulungan ako sa pag-alalay kay Sir Apollo ay mga pinanuod lang nila ako at umiiwas pa ng tingin kapag napapatingin ako sa kanila. Kaya halos madapa dapa ako para lang maalalayan ang lalaking mas matangkad at mas malaki pa sa akin.
"S-Sir, hindi niyo ba talaga kaya maglakad patungo sa kwarto niyo?" nahihirapang sambit ko at napahawak sa may din
