Dream Lover

Pagmulat ko ng mga mata ay nakita ko ang isang pamilyar na patag na lugar na punung puno ng mga nagagandahang bulaklak. Hindi man ito ang unang beses na nakarating ako rito pero hindi ko pa rin maiwasan na mamangha sa magandang tanawin na ito. Isa lamang itong lugar na matatawag na isang paraiso. Nakakatawa lang dahil hindi pa naman ako patay pero nagagawa ko na umapak sa ganitong kagandang lugar. Natigilan ako sa aking pagtanaw sa magandang kapaligiran nang may mga braso na pumulupot sa aking bewang at isang labi na humalik sa aking pisngi. Dahil doon, masayang nilingon ko ang yumayakap sa akin. "Mabuti naman nandito ka na, Savannah," nakangiting pagbati sa akin ni Apollo at mas humigpit ang pagyakap niya sa aking bewang. Lalong lumawak ang ngiti ko habang pinagmamasdan ang napaka-gwapo niyang mukha. Kahit sino ay papangarapin na may yumakap sa kanila na katulad ng aking Apollo. "Matagal ka ba na nag-antay sa akin?" malambing na tanong ko sa kanya. Umiling naman siya saka muli na hinalikan ako sa aking pisngi para bahagya na makiliti ako. "Hindi naman gaano katagal," nanlalambing na sagot pa niya bago hinila ako na maupo sa ibabaw ng mga nagagandahang bulaklak, "Pero akala ko kanina ay baka hindi ka na dumating." Ganito ang malimit namin gawin tuwing nagde-date kami rito. Dahil hindi uso ang upuan sa lugar na ito at puro mga bulaklak lang ang makikita sa buong paligid. "Pasensiya ka na kung na-late ako ngayon, Apollo. Nag-overtime kasi ako sa opisina at medyo nahirapan na makauwi pa ng bahay dahil sobrang traffic," pagpapaliwanag ko naman sa kanya, "Ayan tuloy nahuli ako sa oras ng ating pagkikita," nalulungkot na dagdag ko pa. Nang marinig ni Apollo ang rason ko na iyon at agarang kinulong niya sa kanyang mga palad ang mga pisngi ko at pinagkatitigan nang mabuti ang mga mata ko. "Mukhang pagod na pagod ka nga ngayon. Namamayat ka na rin yata," kunot noong pagpuna niya habang siniyasat ang kabuuan ko, "Masyado ka ba nila pinahihirapan sa trabaho mo?" nag-aalalang tanong pa niya. "Hindi naman masyado ako nahihirapan. Pero dahil sa month end na medyo busy kami ngayon sa opisina. Ang dami daming report na kailangan namin na i-check at ipasa," pagpapaliwanag ko saka bahagya napangiwi nang maalala ang napakaraming tambak na papeles kanina sa ibabaw ng mesa ko. Napasimangot si Apollo nang makita ang reaksyon ko na iyon. "Kahit na. Dapat hindi nila pinahirapan ang prinsesa ko," asar niyang sambit na akala mo isang bata nagta-tantrums, "Hmmmph! Malalagot sila sa akin. Muntikan na nila sirain ang magandang gabi na ito." Natawa na lang ako sa sinabi niya. Para naman kasi may magagawa siya. Imposible naman kasi na mangyari iyon. Ngunit dahil espesyal nga ang okasyon ngayon ay ayoko mauwi sa pagka-bad mood niya si Apollo. Kaya mahigpit na niyakap ko siya sa kanyang bewang at nanlalambing na hinalikan siya sa kanyang pisngi. "Happy 3rd anniversary, love," pagbati ko sa kanya bago abot tenga na nginitian siya. Kaya ang kaninang nakasimangot na mukha ni Apollo ay biglang napalitan ng malawak na ngiti. Ngayon gabi kasi namin sine-celebrate ang ikatlong taon namin bilang magkarelasyon. "Happy 3rd anniversary din, love," pagbati pabalik sa akin ni Apollo at binigyan ako ng halik sa aking noo, "Gusto ko man bigyan ka ng magandang regalo pero alam ko na hindi mo naman din iyon magagamit." Natawa ako dahil kahit ako ay nais ko bigyan siya ng regalo pero hindi ko naman alam kung paano iyon maibibigay sa kanya. Pagkalipas ng ilang segundo ay nagsimula na lumiit ang distansiya sa pagitan ng aming mga labi. At hindi nagtagal ay naglapat na nga ang mga ito. Nang una ay binigyan ako ng isang mabagal na halik na punung puno ng pagmamahal ni Apollo na sinagot ko rin ng halik na puno ng aking pagmamahal sa kanya. Hanggang sa unti unti naging malalim at mapusok ang halikan naming dalawa. Naramdaman ko pa na dahan dahan na inihiga ako ni Apollo sa ibabaw ng mga magagandang bulaklak na naroroon. Pagkatapos ay panandalian na inihiwalay muna niya ang kanyang labi sa aking labi habang pinagkatitigan niya ang aking mukha na tila sinasaulo ang bawat detalye nito. "Napakasaya ko na naging akin ka, Savannah," madamdaming na komento pa niya habang hinahaplos ang pisngi ko, "Pakiramdam ko ay ako na ang pinaka-maswerte na lalaki sa mundong ito." Napahagikgik naman ako sa pambobola pa niyang iyon kaya iniyakap ko na sa kanyang leeg ang aking mga kamay. Pinagkatitigan ko rin ang kanyang mga mata na hindi umaalis sa pagkatitig sa akin. "So ano na? Magtitigan na lang ba tayo rito ng magdamag?" taas kilay ko na tanong sa kanya, "O dating gawi tayong dalawa?" "Siyempre dating gawi pa rin," tumatawang sagot ni Apollo sa itinanong ko, "Kailangan ko mas sambahin ka sa buong gabi na ito 'no. Lalo pa ngayong araw ang ating third anniversary. Sisiguraduhin ko na mararamdaman mo kung gaano kita kamahal sa ganoon ay hindi mo maisipan na maghanap ng ibang lalaki. Dahil akin ka lang, Savannah." Doon ay nagsimula na nga gumala ang malikot na kamay ni Apollo sa aking katawan. Hanggang sa isa isa na niya inaalis ang mga saplot na suot ko. Pagkatapos ay mapang-akit na sinunod niya na hubarin ang mga damit na suot suot niya. Kaya hindi nagtagal ay pareho na kami na walang natirang mga damit sa katawan. Sa gabing ito ay nakita ko muli ang magandang hubog ng katawan ni Apollo na siyang paniguradong kababaliwan ng kahit sinong babae na makakakita nito. Kahit nasa gitna kami ng magandang kapatagan ay hindi naman ako makaramdam ng kahit anong hiya na baka may makapanuod sa aming susunod na gagawin. Dahil pareho kaming sigurado na wala makakakita sa amin sa lugar na ito. Kung iisipin pa nga ay tila pagmamay-ari namin ang lugar na ito kaya walang sinuman ang maaaring mag-istorbo sa amin. "You're so pretty," paos na papuri sa akin ni Apollo habang ginagapang niya ang kamay sa aking katawan na siyang nagdala ng kakaibang kuryente rito. Pagkatapos ay muling iniyuko ni Apollo ang ulo niya para pagdugtungin ang aming mga labi. Mas tumindi ang intensidad ng halik na binibigay niya. Masyado ito na mapaghangad kaya hindi ko maiwasan na mapaungol sa sarap. "A-Apollo..." ungol ko sa gitna ng aming halik. Nagsimula na bumababa ang kanyang labi. Talagang pinanindigan niya ang sinabi niya na sasambahin niya ako sa gabing ito. Walang niisang parte ng katawan ko ang kanyang pinalampas. Pinaulanan niya ito ng halik na tila minamarkahan ako. Dahil doon ay mahigpit na napasabunot ako sa kanyang buhok. Kahit gabi gabi namin ginagawa ito ay hindi pa rin ako nasasanay sa klase na pagpapaligaya niya. Tila gabi gabi ay may bago siyang naiisip na gawin. Nang magsawa na siya sa paghalik sa aking buong katawan at pinaghiwalay na niya ang mga hita ko. Nakita ko pa kung paano siya umayos ng kanyang posisyon doon. Pagkatapos ay mapusok na hinalikan niya muli ang labi ko bago unti unti niya pinag-iisa ang aming mga katawan. At sa buong gabi na iyon ay nag-celebrate kami ng aming ikatlong anniversary na magkaisa ang aming katawan.