Nang dumating ang oras ng uwian ay agarang tumawag sa akin si Zeus para ipaalam na baka mahuli siya sa paghatid sa akin. Kakausapin pa niya kasi ang purchasing head dahil nagkaroon ng aberya mula sa hawak nilang copy ng resibo ng isang supplier at mula sa mga item na na-receive ng kompanya nitong nakaraang linggo. Mukhang hindi tumutugma ang amount ng resibo nila na babayaran sa inventory ng mga dumating kaya kailangan nila maayos iyon bago pa mas lumaki ang problema.
Dahil doon ay pinauna muna niya ako sa lobby para roon ko na lang siya na antayin. Sinabi ko naman sa kanya na kaya kong umuwi mag-isa pero nag-insist pa rin siya na ihahatid niya ako pauwi anuman ang mangyari. Kaya sa huli ay wala ako nagawa kundi pumayag na antayin na lang siya.
Iyon nga lang habang patungo ako sa lobby a
