Nang sumapit ang oras ng aming uwian ay nagkanya kanya agad kami sa pagsasara ng mga ginagamit na desktop at pagtatago na rin ng mga importanteng papeles sa aming mga drawer. Sumunod ay inilagay ko sa loob ng aking bag ang aking phone at wallet. Pagkatapos ay dali dali na isinukbit ko na sa aking balikat ang dalang bag.
"Ano? Tara na ba, Savannah?" pagtatanong sa akin ni Violet nang maisukbit na rin niya ang kanyang bag.
"Oo, tara na," pag-aya ko naman sa kanya bago inayos ang swivel chair ko sa ilalim ng aking mesa.
Sa paglibot ko naman ng tingin sa opisina ay napansin ko na iilan na lang ang mga naiwan. Talaga nga naman napakabilis ng mga katrabaho ko sa tuwing sasapit ang oras ng aming uwian. Madalas magugulat na lang ako dahil sa mag-isa na pala ako naiwan sa aming opisina.
"Hay ka
