Pagkatapos namin malaman sa monitor ng CCTV na nasa hotel din si Glyden ay siya na agad ang aming pinaghinalaan na taong sumusunod sa akin nitong nakaraang linggo. Kaya hindi na nagdalawang isip pa si Sir Apollo at agarang tumawag sa mga pulis para ipaalam ang tungkol dito at ipadala na rin ang kopya ng CCTV bilang ebidensiya. Sa ganoon kasi na paraan ay mapapagawan agad nila ng warrant of arrest si Glyden bago pa siya tuluyan na makatakas.
At habang abala sa pakikipag-usap si Sir Apollo sa katawagang pulis at si Zeus naman sa mga gwardiya ng hotel ay naisipan ko na maupo muna sa isang bakanteng silya. Doon ay nanlulumo na napatakip ako ng palad sa aking mukha. Pinipigilan ko ang sarili na maiyak sa nakumpirma na ito.
Ayoko kasi talaga isipin na si Glyden ang taong may masamang balakin s
