Katulad ng aming plano ay agarang nagtungo kami sa kinaroroonan ng security room. Sa ganoon ay matitignan ko ang mga CCTV para malaman kung tama ba ang hinala ko kung sino ang taong gusto na dumukot sa akin. Kaya nang mapatapat pa lang kami sa pintuan nito ay malakas na kumabog ang puso ko. Kulang na lang ay kumawala ito mula sa aking dibdib para malaman ng lahat kung gaano ako kakaba ngayon.
"Kaya mo ba talaga, Savannah?" nag-aalalang tanong sa akin ni Zeus at hinawakan ang nanginginig kong mga kamay, "Namumutla ka kaya. Tingin ko ay hindi mo ito kakayanin. Kaya kung bumalik na lang tayo rito kapag okay na ang pakiramdam mo. Hindi mo naman kailangan pwersahin ang sarili mo."
Mabilis na iniling ko ang ulo ko bago mariin na pinisil ang kamay ni Zeus na siyang nakahawak sa mga kamay ko.
"
