Kung anong sarap nang tulog ko noong isang gabi ay naging sobrang kabaliktaran naman ito nang nangyari kagabi. Hindi ko nga alam kung nakaidlip ba ako kahit saglit man lang. Buong gabi kasi ay laman ng isipan ko ang ginawang pag-alis ni Zeus na walang paalam. Hindi man kasi sadya pero alam ko na nasaktan ko ng sobra ang damdamin niya.
Kaya labis labis na nahihiya ako ngayon sa kanya. Hindi ko rin alam kung paano siya haharapin pagkatapos ng nangyari.
Noon pa lang naman ay ipinakita na niya ang kanyang mabuting intensyon. Kung gaano niya ako ka-mahal at ka-gusto. Pero kahit alam ko ang damdamin niyang iyon sa akin ay hindi ko naman ito sineseryoso o binigyan pansin. Masyado kasi ako naging kampante na nandiyan lang siya sa aking tabi hanggang sa matutunan ko na mahalin siya.
Sa aking
