ANDRIETTE's POINT OF VIEW.
Marahan kong pinagpag ang mga kamay ko matapos kong ikalat ang mga tuyong dahon sa lugar kung saan ko iniumang ang aking pain para sa baboy ramo o kahit anong hayop na mahuhuli no'n. Maikukulong lamang nito sa loob ang mahuhuli at tiyak na hindi naman masasaktan kaya kung hindi naman ito karapat-dapat kainin ay maaari ko rin iyong pakawalan.
Muli kong sinipat ang kabuoan ng lugar at nilagyan ng palatandaan ang punong pinagkabitan ko ng pain. Pipito pito pa ako habang umaalis. Mahigit dalawang oras ko din sigurong ikinabit iyon doon ng mag-isa dahil si Lakan at Mayumi kasama ang kasintahan ni Amihan ay kasalukuyang bumaba sa Bayan upang mag-deliver ng pa-order nilang mga mangga. Pinahintulutan naman sila ni Dominic na dumaan sa lupain ng mga ito upang mas mapabi
