┈┈┈┈◦•✩•◦┈┈┈┈
Naghahanda na sila sa pag-alis upang sugurin ang panibagong pinagkukutaan ngayon ni BHQ at ng grupo nito. Hindi na nila pwedeng ipagpaliban pa ang pagsugod nila dahil pabago-bago ng hideout ang babaeng 'yon. Ayaw na nilang patagalin pa, gusto na nilang malaman kung tama nga ba ang hinala ni Zyler na ang kanyang namayapang asawa na si Rhoda at si BHQ ay iisa.
"Nakahanda na ba kayo? Bilisan ninyo ang kilos ninyo dahil hinihintay na tayo ng eroplano. Alam naman ninyo kung gaano kahirap kalaban ang babaeng 'yon. Pabago-bago siya ng hideout kaya mahirap siyang matunton. Pero ngayon, dalawang linggo na siyang nananatili sa Cambodia, at mukhang wala pa siyang balak na umalis. This might be our only chance to corner her, kaya magmadali na kayo." Ani Marcus habang nakaupo ito sa so
