[Zorra's pov]
Palabas na ako ng kwarto ng malakas na bumukas ang pintuan. Nandoon ang Amang Hari at Inang Reyna na galit na galit na napatingin sa akin. Napayuko na lang ako ng ulo para bigyan sila ng paggalang.
"Hulihin ang binibini at ikulong!" Nanggagalaiting pag-utos ng Amang Hari sa mga kawal niyang kasama.
Naramdaman ko na lang ang mahigpit na paghawak sa akin ng mga kawal at pagpilit na pagkaladkad sa akin palabas ng kwarto ng prinsipe. "Huwag niyo saktan ang binibini!" Pagsuway ni Chika sa marahas na pagtrato sa akin. "Gusto lamang niya tumulong sa mahal na prinsipe!"
Sinubukan rin ni Fugar na tulungan ako makawala sa mga hawak ng kawal ngunit masyado silang marami.
"Binibini!"
"Binibining Zorra!"
"Bitawan niyo siya!"
"Nakikiusap kami na huwag niyo siyang saktan!"
"Manahim
