[Ranzell]
Nanghihinang minulat ko ang aking mga mata at bumungad sa aking paningin ang loob ng aking kwarto. Inilibot ko ang aking tingin sa paligid na tila may hinahanap na natatanging tao.
"G-Gising na ang prinsipe!" Masayang anunsyo ng punong manggagamot na dumadalo sa akin nang mapansin ako.
Narinig ko ang pagkakagulo ng lahat sa loob ng aking kwarto. Ramdam ko ang kasiyahan nila sa aking paggising. Agad na pinatawag nila ang aking Amang Hari at Inang Reyna para sabihin ang magandang balita.
Hindi nagtagal ay dumating sila na may maluhang luhang mga mata na nakatitig sa akin. "A—Ang prinsipe ko!" Sambit ni Inang Reyna nang malapitan ako at hinaplos ang aking ginintuang buhok. "Laking pagsasalamat ko na nagising ka na muli. Labis labis mo ko pinag-alala."
Napatingin ako sa kanyang
