[Ranzell]
"Ako ang tatanggap ng parusa ng Hari." Seryosong sambit ni Yui. "Padaanin niyo ang ating prinsipe."
Nag-alinlangan ang mga bantay nang una ngunit sa huli ay gumilid sila sa pintuan ng kulungan at pinagbuksan kami ng pinto. Kita sa mukha nina Chika ang tuwa dahil makakapasok na kami sa wakas.
Nauna naman si Yui sa pagpasok sa loob para gabayan kami patungo sa mismong selda ng binibini. Maraming selda kami nadaanan at karamihan sa mga bilanggo ay halos hindi na makilala sa mga pagpapahirap sa kanila ng mga kawal. Ang iba rito ay nasa bingit na ng kanilang buhay at naghihingalo na sa kani-kanilang selda dahil sa tindi ng parusang sa kanila na pinataw.
Hindi ko tuloy maiwasang matakot sa kalagayan ng binibini sa loob ng kanyang selda. Umaasa ako na nasa mabuti pa siyang lagay.
S
