Pagkatapos ng pagdalaw ng Amang Hari at Inang Reyna ay nagkaroon ako ng kalayaan na lumabas ng kwarto. Pinahintulutan rin nila ako na makapasok sa silid aklatan ng palasyo at makapasok sa ahensya ng kanilang manggagamot. Kaya kahit nasa loob kami ng palasyo ay natuturuan ko si Binibining Lilo ng aking kaalaman.
Iyon nga lang ay ako ang naging paksa ng mga usap usapan sa loob ng palasyo. Kahit saan ako magpunta ay habol ako ng tingin ng mga tagasilbi at mga kawal. Kahit mga ministro na nakakasalamuha ko ay yumuyuko sa akin ng punung puno ng paggalang.
"Siya ang mapapangasawa ng prinsipe di ba?"
"Ang ganda niya sa personal."
"Minsan ko na siya nakausap at napakabait niyang tao."
"Botong boto ako sa kanya na maging panibago nating reyna!"
Napangiwi ako sa nagiging takbo ng kanilang mga
