Sa sobrang pagkatakot ni Binibining Lilo sa libro ay agaran niyang ibinato iyon palayo sa amin at narinig ko ang pagkalampag nito sa sahig. "I-Isang nagmumultong libro." Namumutlang sambit niya at itinuro ang direksyon ng pinagbatuhan niya nito. "M-Minsan ko na narinig ang tungkol roon pero hindi ko alam na iyon ang libro."
Natatawang napailing ako ng aking ulo bago ko kinuha muli ang libro at tinignan ang nilalaman. Nais ko kasi matutunan ang mga panggagamot na nilalaman ng librong ito. Gusto ko rin malaman ang dahilan kaya itinatago ang librong ito rito at sino ang gumawa nito.
"Binibini!" Pagpigil sa akin ni Binibining Lilo. "Bitawan niyo na iyan! Baka mapahamak pa kayo! Bakit ko pa kasi naisipang kuhanin iyan?!" Mangiyak ngiyak pa niyang dagdag.
Napatingin ako kay Binibining Lilo d
