Lumipas muli ang ilang araw ay unti unti bumuti ang aking lagay. Anumang oras ay maaari na ako lumabas ng palasyo para bumalik sa aking panggagamot sa aking klinika sa bayan. Iyon nga lang ay nag-iintay pa ako ng tamang pagkakataon dahil na rin sa nakapaligid na bantay ng Amang Hari sa palasyo. Hindi ko alam kung nakarating na sa kanya ang aking pagtanggi sa alok ng kasal ni Prinsipe Ranzell.
Isa pa sa aking iniiwasan ay si Prinsipe Charde na bisita nila. Hindi magandang mag-krus ang aming mga landas. Kailangan ko muli pag-isipan kung sasama na ako pabalik sa kanila ng Gammus.
"Sigurado ka ba rito, Binibining Zorra?" Hindi masayang sambit ni Chika nang malaman ang aking binabalak ng pagbalik sa bayan. "Gusto mo na talagang bumalik sa bayan? Hindi mo talaga tatanggapin ang alok na pagpapa
