***EYRNA***
“Emmil, tingin mo? Magiging mabuting asawa at ina kaya ako balang-araw?” Hindi napigilan ni Eyrna ang sariling huwag magtanong ng ganoon nang makauwi siya sa inuupahang bahay. Nagtatanggal siya ng strap sa kanyang high-heeled shoe habang nakaupo sa lumang sopa.
“Bakit, ‘Te? May balak ka na bang mag-asawa?” sagot ng kapatid na patanong din. Pupunga-pungas ito dahil bagong gising.
Tuwing umaga, alas-singko, ay napipilitan itong bumangon para pagbuksan siya ng pinto. Ganoong oras kasi siya nakakauwi mula sa trabaho.
“Ayaw mo ba akong mag-asawa?” nakangusong balik-tanong niya rin.
“Syempre gusto ko para may makatulungan ka na rin sa buhay. Ang tagal mo nang ibinabalikat mag-isa ang mga responsibilidad sa amin. Tama na ring gumawa ka na ng sarili mong pamilya nang matapos na
