***EYRNA***
“Hi,” bati ni Revo sa kanya. Ito ang nagbukas ng pinto ng VIP room 7.
“Oh, h-hi—” lito niyang sagot. Hindi malaman kung tama ba o mali ang itinugon niya.
“Kanina pa kita hinihintay. Come in, Eyrna.” Niluwagan ng binatang balikbayan ang pinto upang makapasok siya.
Alangan man ay inihakbang na nga niya papasok ang mga paa. At ayon na naman ang pakiramdam niya na parang may hinihila siyang bolang bakal sa kanyang mga paa. Ang bigat kasi ng mga paa niya, ni hindi niya halos mahila ang mga paa.
Naiilang na ba siya kay Revo dahil matagal niya itong hindi nakita? Tapos ay parang mama na ito at hindi na teenager ang hitsura?
Baka nga.
Iginiya siya ni Revo sa may tinted na malawak na wall glass ang mga VIP room ng Pegasus Bar. Ginawa iyon upang makita or mapanood pa rin ng mga
