***EYRNA***
Wari ba’y tumulong ang langit sa kawawa niyang kalagayan nang hapon na iyon. Kung kailan kasi nakalabas siya sa Ever Mall upang makalayo agad kay Revo ay saka pa bumuhos ang malakas nang ulan.
Bumalik man siya o hindi sa loob ng mall ay basa pa rin siya. Kung kaya nagmistulang basang-sisiw na nagpasya na lamang niyang itinuloy ang paglakad-takbo na palayo, animo’y may tinatakasan.
Doon sa may bus stop siya nakisilong, katabi ng mga nagtatakang naghihintay rin ng masasakyan o ng sundong sasakyan. Ang tingin nila sa kanya’y nagtatanong kung bakit siya nagpaulan.
Yakap ang kanyang sarili na nagyuko siya ng ulo. Umatras siya hanggang sa likod. Kung meron mang naitulong sa kanya ang ulan ay iyon ay ang malaya siyang nakakaiyak.
Bakit gano’n? Kung kailan may lalaking mahal siy
