"At sa tingin mo naman matutuwa ako sa ginawa mo?" mataray na sabi ni Kiara matapos ipakita sa kanya ni Heaven ang ginawa nitong video buong magdamag habang nasa apartment nya si Stella bilang patunay na wala siyang ginawang kalokohan.
"At ba't hindi ka matutuwa eh nakita mo naman sa video na 'to na talagang natulog lang ako sa sofa at nando'n naman si Stella sa kwarto? Sinabihan ko naman siya na last na yun at hindi na siya pwedeng magpunta pa doon," pangangatwiran pa ni Heaven.
Naasar siyang tinawanan ni Kiara. "Oh talaga ba? Ang tanga mo rin eh! Oh paano ngayon iyan? Alam niya na kung saang apartment ka nakatira. Anong balak mo niyan? Paano kung nagpunta siya doon ng walang pasabi tapos nakita niyang nandoon ako? Sa tingin mo ang iisipin niya? Eh 'di nahuli na kaagad tayo. Hindi ka ba
