Final exam na naman. Halos ng estudyante sa field kung nasaan ang magkaibigan, todo review. Ngunit si Kiara, tamang chill lang. Hindi naman kasi siya natatakot bumagsak dahil alam niyang hindi iyon mangyayari. Wala naman siyang magiging problema sa mga minor subjects niya dahil basic lang ito sa kaniya.
"Sana all na lang talaga pa- chill - chill lang," biro ni Jenica kay Kiara.
Malungkot na tumingin si Kiara kay Jenica. "Alam mo medyo nalulungkot nga ako eh kasi ang bilis ng panahon 'no?"
"At bakit? Hindi ka ba masaya na malapit na tayong magtapos?"
"Masaya naman syempre. Nasa kalahati na tayo. Wala lang... alam mo yun ang bilis kasi ng araw lumipas. Hindi natin namamalayan. Pagkatapos nito third year na tayo. Pagkatapos forth year student na tayo. At pagkatapos, magkakanya- kanya na t
