Bumuga ng hangin si Heaven. Kasalukuyang panay ang kwento sa kanya ni Stella ngunit ang isip niya ay na kay Kiara. Hindi niya nga halos mapakinggan o maintindihan ang mga sinasabi ni Stella dahil iniisip niya ang nararamdaman ni Kiara na para bang hindi ito natuwa sa ginawa niya. Pero wala naman kasi siyang ibang choice kundi pakisamahan si Stella. Kanina pa siya panay text kay Kiara pero wala naman itong reply.
"Ewan ko ba kay daddy pero panay pa rin ang deny niya sa akin tungkol sa kalokohan niya. Nahuli ko na talaga siya eh. Nahuli ko siyang gumagamit ng pinagbabawal na gamot."
Doon lang napatingin si Heaven kay Stella. "Nahuli mo?"
"Oo... may isang beses kasi na nandoon siya sa sasakyan niya tapos sinilip ko siya. Hindi ko alam kung bakit nagawa ko siyang silipin kahit na wala naman
