Mataas ang nakuhang marka ni Kiara sa kaniyang final grade pero hindi siya masaya. Naiisip niya kasi na hindi naman natutuwa ang kaniyang ina kahit mataas pa ang makuha niyang marka. Parang gusto na nga lang niyang tumigil sa pag- aaral. Ngunit naisip niya na kapag ginawa niya iyon, baka mas lalong magalit sa kaniya si Rebecca. Baka isumpa na siya nito. Baka talagang hindi na maayos ang kung anong hindi nila pagkakaintindihan.
"Stress na naman ang itsura mo. Nag- away na naman ba kayo ng mama mo?" tanong sa kaniya ni Jenica.
Pilit na ngumiti si Kiara at saka mabagal na tumango. "Oo ... akala ko okay na kami pero akala ko lang pala iyon. Talagang mayroong malalim na sugat sa puso niya na ako ang dahilan. Sobrang lalim no'n kaya ganoon na lang ang galit niya sa akin."
"Wala eh. May favori
