Mabilis na lumipas ang mga araw, final exam na naman. Kung noon kabadong- kabado si Kiara sa tuwing malapit na ang kanilang final exam, ngayon ay hindi na. Alam niya kasing papasa siya sa lahat ng major subjects niya. Kayang- kaya naman kasi niya ang kaniyang minor subjects.
"Parang ang chill mo today. Hindi ka kinakabahan?" tanong ni Jenica sa kaniya.
"Kinakabahan saan?" nakangising sabi ni Kiara.
Natawang bigla si Jenica. "Saan pa ba? Para mamaya! Para sa final exam natin. Nakapag- review ka siguro ng maayos kaya talagang kampante ka na masasagutan mo ng tama ang mga tanong 'no?"
Tumaas ang kilay ni Kiara sabay nguso. "Hindi naman. Tamang review lang ang ginawa ko. Minsan kasi sa sobrang pagre- review, iyon bang wala na halos tulog, masama rin eh. Mas hindi maaalala ang mga ni- revi
