"May klase ka pa mamaya?" tanong ni Darwin kay Kiara.
"Oo mamayang 4pm. Last class ko na. Bakit?" sagot ng dalaga.
Kumibot ang labi ni Darwin. "Nagtataka lang ako kung bakit accounting course ang kinuha mo? Eh 'di ba ang sabi mo sa akin parehas tayo ng magiging course? Mas magaling ka pa ngang magluto sa akin noon eh!"
Tumikhim si Kiara. "Eh kasi iyon ang gusto ni mama para sa akin..." pagsisinungaling niya.
"Ganoon ba? Eh paano iyan, hindi mo na magagamit ang talento mo sa pagluluto?"
"Ayos lang. Nagagamit ko naman ito sa bahay. Lalo na kapag nagluluto ako ng ulam namin ganoon. At saka ang isa pa kasing dahilan, alam mo na... ako ang may kasalanan kung bakit nawala si ate sa amin," sambit ni Kiara sabay kagat labi.
Kapag naaalala niya ang ate niya, sobra talaga siyang nagsisisi. N
