"Nandito na po ako, mama! May dala po akong pizza, fried chicken at milktea," magiliw na sabi ni Kiara nang makauwi siya sa kanilang bahay.
Tumingin sa kaniya si Rebecca. Sa isip niya, mabuti na lang hindi pa siya nakakaluto ng ulam dahil nag- iisip siya kung anong tipid na ulam ang bibilhin niya. Tinitipid niya kasi ang kita niya mula sa pananahi ng mga damit.
Masayang inilapag ni Kiara ang mga dala niyang pagkain at pagkatapos ay tumingin siya sa kaniyang ina na hindi man lang nagbago ang ekspresyon ng mukha nito. Magkasalubong pa rin ang kilay ni Rebecca. Nakagat ni Kiara ang kaniyang pang ibabang labi at saka niya pinaglaruan ng kaniyang daliri dahil nakaramdam siya ng kaba.
"Ang dami mo naman yatang peram? Mukhang malaki ang kinikita mo diyan sa sideline mo, ah..." sambit ni Rebecc
