"Thank you, Darwin! Talagang may pabaon ka pa sa akin na ganito!" masayang sabi ni Kiara matapos siyang bigyan ng tatlong letche flan ng kaniyang kaibigan.
"Walang ano man. Para sa iyo talaga iyan. Alam kong na- miss mo iyan," magiliw nitong sabi.
Ibinigay ni Kiara ang isang letche flan kay Jenica. "Oh para sa iyo. Masarap iyan! Gawa ni Darwin!"
Matamis na ngumiti si Jenica. "Salamat! Salamat sa letche flan, Darwin!"
"Walang ano man. Sige na kainin niyo na. Meryenda time na rin naman ngayon," wika ni Darwin matapos makita ang oras. Alas tres na ng hapon.
Naubos kaagad ni Kiara ang isang tub ng letche flan. Sarap na sarap siya habang kinakain iyon. Hilig niya rin kasi talaga ang panghimagas. At talagang masarap gumawa ng panghimagas si Darwin. Natutunan niya ito sa kaniyang ina na nagt
