"Masyado ka yatang busy..." halos pabulong na sabi ni Heaven nang tawagin niya si Kiara sa harapan.
Napangiwi si Kiara. "Hindi naman po, sir. Bakit n'yo naitanong?"
"Wala ka ng balak pumunta sa apartment ko?"
"Mamaya, sir. Pupunta po ako."
Tumikhim si Heaven. "Siguraduhin mo lang. Iyong usapan natin baka nakakalimutan mo na. Alam mo naman ang mangyayari kapag hindi ka sumunod sa usapan. Ibabagsak kita," pananakot sa kaniya nito.
Napalunok ng laway si Kiara. "Opo, sir. Hindi ko po iyon nakakalimutan."
Mariing napapikit si Kiara nang bumalik siya sa kaniyang upuan. Bigla siyang nakaramdam ng takot dahil sa sinabi ni Heaven. Ayaw niyang bumagsak dahil nangangalahati na rin siya. Sa isip niya, kaunting panahon na lang ay makakapagtapos na siya. Kaya hindi siya maaaring bumagsak. Hindi i
