"Sorry kung hindi kita na protektahan agad." Napatingin ako kay Raf nang hawakan niyang bigla ang kamay kong may bilot.
"Ayos lang ako." Sinalat ko rin ang pisngi niyang may sugat. "Ang tapang mo nga kanina, e. Bilib kami ni Baby sa'yo," nakangiting biro ko.
Tumawa lang siya saglit pero naging seryoso rin agad.
"Hindi ko kakayanin kapag nawala kayong dalawa."
"Hon-" Hindi na ko nakapagsalita nang pagdikitin niya ang mga nuo namin. Napapikit ako habang ninanamnam ang sandaling nakaganito kami. Nakahawak ang kanang kamay niya sa bewang ko habang ang isa naman ay sa pisngi ko. Para kaming sumasayaw sa gitna ng buwan.
Dumilat agad ako nang ilayo niya na ang mukha niya sa akin. "May hinanda ako para sa'yo," malambing niyang sabi. Hinihila na ang kamay ko habang nakasimple ng ngiti.
"Ano
