"Akala ko dati lagi ka na lang iiyak dahil kay Raf," kibo ni Dina na nasa gilid ngayon ng pool. Tumingin siya sa akin at ngumiti. "Masaya ko para sa'yo. Kahit pilit lang noong una, atleast tamang tao 'yung nakuha mo."
"Oo nga, ate. Kaswerte mo kay Kuya Raf. Minsan napagkakamalan ko na siyang baliw kakapatawa niya sa'yo," sabat ni Sam na umuupo rin sa katabi kong duyan.
"Hindi naba siya babalik sa kumpanya?"
"Hindi na raw, Ate Dina. 'Yung Pia kasi na 'yon. Kagigil!" Natawa ko kay Sam na nakatitig ngayon sa dalawa niyang kamao. Para siyang may pinipiris doon na talagang pinanggigigilan niya.
"Oo nga pala." Napaisip ako. "Ikaw, Dina? Napapansin na kita, ah! Bukod sa naglayas ka sa inyo, hindi ka na rin pumapasok sa trabaho." Turo ko sa kanya. "'Wag mong sabihin sa akin na umalis ka na rin
